Veljko Odaloviq, kryetar i Komisionit për Personat e Zhdukur në Qeverinë e Serbisë, është deklaruar për mediat serbe se iu është refuzuar hyrja për në Kosovë.
Odaloviq ka thënë për Tanjugun se ka kërkuar leje për të vizituar Kosovën përmes Zyrës Ndërlidhëse, por ka marrë një përgjigje negative.
“Më refuzuan, edhe pse doja të shkoja në varrezat e Fushë Kosovës më privatisht dhe të ndezja qirinj. Doja të vizitoja varret e të dashurve të mi. Është e qartë se asgjë nuk është e shenjtë për ta”, deklaroi Odaloviq.
Kryeministri i Kosovës, Albin Kurti, si kusht për vazhdimin e dialogut i pati kërkuar Vuçiqit shkarkimin e Odaloviqit. Sipas Kurtit, e kaluara e tij kriminale nuk i ofron të drejtë morale të flasë për të zhdukurit.
