Vuçiq tregon pse nuk nënshkroi dje në Ohër, zbulon tri kushtet e Kurtit për Asociacionin

Presidenti i Serbisë, Aleksandar Vuçiq, ka thënë se nuk e ka nënshkruar aneksin për zbatimin e Marrëveshjes për normalizim të marrëdhënieve me Kosovën, “sepse Serbia është shtet i njohur ndërkombëtarisht, ndërsa Kosova nuk është” prandaj, sipas tij, nuk mund të arrihet një marrëveshje juridike ndërkombëtare.

Ai ka folur para popullit më 19 mars, duke diskutuar për takimin që ka zhvilluar në Ohër me kryeministrin e Kosovës, Albin Kurti, një ditë më parë, nën ndërmjetësim të negociatorëve evropianë.

I pranishëm në Ohër ka qenë edhe i dërguari amerikan për Ballkanin Perëndimor, Gabriel Escobar, i cili, po ashtu, i ka komentuar si pozitive zhvillimet e së shtunës.

“Askush nuk mund t'ia imponojë Serbisë obligimin për të njohur Kosovën. Serbia mund të punojë në zbatim, deri te vijat e kuqe”, ka thënë ai.

Kryeministri i Kosovës, Albin Kurti, ka thënë më 19 mars, në Twitter, se i takon BE-së të gjejë mekanizma për ta bërë marrëveshjen ligjërisht obliguese.

Kryediplomati i Bashkimit Evropian, Josep Borell, ka thënë më 18 mars se edhe pse palët kanë vendosur të mos e nënshkruajnë zyrtarisht marrëveshjen, ato janë pajtuar që të fillojnë zbatimin e saj sa më shpejt që të jetë e mundur.

Marrëveshja me 11 nene, e bërë publike më 27 shkurt, nuk e obligon Serbinë që ta njohë Kosovën, por kërkon nga të dyja vendet që t’i pranojnë dokumentet dhe simbolet e njëra-tjetrës, përfshirë: pasaportat, diplomat dhe targat.

Ajo kërkon, po ashtu, nga palët që t’i zbatojnë të gjitha marrëveshjet e arritura deri më tash në dialogun për normalizimin e marrëdhënieve, përfshirë edhe atë për formimin e Asociacionit të komunave me shumicë serbe në Kosovë, të cilin Qeveria në Prishtinë e ka refuzuar deri më tash, me arsyetimin se mund të rrezikojë funksionalitetin e shtetit.

Vuçiq ka thënë se për Serbinë është e rëndësishme që është rënë dakord që “të zbatohet ajo që është arritur në dialog”, kur bëhet fjalë për Asociacionin e komunave me shumicë serbe.

Sipas tij, kryeministri i Kosovës, Kurti, në takim ka folur për “tri shtyllat” mbi të cilat duhet të bazohet Asociacioni, por Serbia nuk mund ta pranojë këtë, sepse për Asociacionin është dakorduar me Marrëveshjen e Brukselit.

“Asociacioni është i rëndësishëm, sepse serbët do të marrin një kornizë institucionale për veprim”, ka shtuar mes tjerash ai.

I pyetur nga gazetarët nëse do të lejojë formimin e Asociacionit të komunave me shumicë serbe, kryeministri i Kosovës, Albin Kurti, ka thënë më 18 mars se bëhet fjalë për “një nivel adekuat të vetëmenaxhimit të komunitetit serb” dhe “jo për vetëqeverisje”.

Kosova dhe Serbia kanë arritur marrëveshje për Asociacionin më 2013 dhe më pas më 2015 mbi parimet për themelimin e tij.

Po më 2015, Gjykata Kushtetuese e Kosovës ka gjetur se marrëveshja nuk është në harmoni të plotë me Kushtetutën.

Serbia kërkon që Kosova të zbatojë marrëveshjet e arritura, por Qeveria e Kosovës është deklaruar kundër një asociacioni njëetnik.

Me ndërmjetësimin e BE-së dhe mbështetjen e SHBA-së, dy vendet janë në negociata për normalizimin e marrëdhënieve qysh nga viti 2011.

Ato kanë arritur dhjetëra marrëveshje, por shumica e tyre nuk janë zbatuar dhe palët kanë fajësuar njëra-tjetrën për ngecje./REL

Presidenti i Serbisë, Aleksandar Vuçiq, në adresimin e sotëm për medie, ka thënë se kudo që jetojnë serbët në Kosovë nevojitet Asociacioni.

Vuçiq shtoi se serbët në Kosovën në jug të Ibrit jetojnë si në një geto.

“Të gjithë ata që jetojnë në jug të lumit Ibër, jetojnë si në geto. Ata nuk kanë as kornizë institucionale, dhe pa marrë parasysh faktin se po ndërtojmë një spital të madh në Graçanicë, të gjithë duan vetëm të marrin në dorë Mitrovicën e Veriut.

Për shkak se ajo mbështetet kundër Serbisë qendrore, atje është më e lehtë për ta. Ne kemi nevojë për ZSO kudo ku jetojnë serbët, por sigurisht shumë më tepër në jug sesa në veri. Kjo u jep serbëve një kornizë institucionale për veprimet e tyre. Përralla të shpikura, mund të bëni çfarë të doni, kjo është e rëndësishme për ne”, theksoi ai.

Presidenti serb, Aleksandër Vuçiq u është drejtuar sot mediave lidhur me marrëveshjen e arritur mbi aneksin e zbatimit për rrugën e normalizimit të marrëdhënieve mes Kosovës dhe Serbisë.

Ndër të tjera, Vuçiq tregoi se cilat janë kushtet e kryeministrit të Kosovës, Albin Kurti për formimin e Asociacionit të Komunave me shumicë serbe.

Sipas Vuçiq, Kurti dëshiron ta formojë asociacionin në tri shtylla. Së pari duke u bazuar në Kushtetutën e Kosovës, së dyti në deklaratën e Federica Mogherinit për Isa Mustafën (ku BE garantonte që Asociacioni nuk do të kishte kompetenca ekzekutive dhe nuk do të përbënte shtyllë të tretë të pushtetit në Kosovë) dhe sipas kërkesës në letrën autoriale të Derek Chollet dhe Gabriel Escobar botuar më 31 janar.

Vuçiq flet për Asociacionin e Komunave me Shumicë Serbe

“Kur mendon se po flasim për gjëra të vogla, të parëndësishme, dua të dish se pas çdo gjëje fshihet një hile. Serbia kërkon të normalizojë marrëdhëniet, të jetojë me shqiptarët, të udhëtojë, nuk mund të jetosh me mure 100 metra. Ne duhet të zhvillojmë besimin, jo t’i bëjmë njerëzit të kenë frikë nga njëri-tjetri. Ne kemi një punë të madhe përpara”.

“Kurti u paraqit dhe tha se ne e kemi planin e Ahtisarit, nuk na intereson, nuk e kemi miratuar, nuk është pjesë e procesit të dialogut. Kurti prezantoi tre shtyllat e tij dhe nuk u pranua. Thashë se nuk është problem, thjesht mund të largohem dhe pastaj nuk ka kuptim gjithçka. Këtu keni nënshkrime në katër marrëveshje, ato kanë të bëjnë me Asociacionin”.

“Pse është Asociacioni i rëndësishëm për popullin serb? Të gjithë njerëzit që jetojnë në jug të Ibrit, jetojnë si në një geto. Ata nuk kanë as kornizë institucionale. Të gjithë presin që të shtënë në duar Mitrovicën e Veriut. Ne kemi nevojë për Asociacion kudo ku jetojnë serbët, por sigurisht shumë më tepër në jug sesa në veri. Kjo do t’u japë serbëve një kornizë institucionale dhe një kuvend, një president që do të komunikojë edhe me autoritetet qendrore. Çfarëdo që të thoni, por kjo është ajo që është e rëndësishme për ne. Pastaj përfaqësuesit shqiptarë thonë jo, ne duam ta formojmë në tri shtylla: Kushtetuta e Kosovës, deklarata e Federica Mogherinit për Isa Mustafën dhe letra e tretë e nënshkruar nga Chollet dhe Escobar”.

Në adresimin e tij të parë të detajuar për media rreth takimi në Ohër për Aneksin e Zbatimit të Marrëveshjes Bazë për normalizimin e marrëdhënies ndërmjet Kosovës dhe Serbisë, Aleksandar Vuçiq tregoi se përse nuk janë dakorduar për marrëveshjen për personat e pagjetur.

Vuçiq tha se Kurti i ka kërkuar reparacione të luftës, prandaj nuk janë pajtuar.

“Gjithmonë kam thënë se ne e pranojmë konceptin, do të punojmë në implementim, jemi të gatshëm të bëjmë më shumë se dikush nga Prishtina. Unë thjesht dua që njerëzit të dinë se ne kujdesemi, kur më dëgjojnë të përsëris disa gjëra, të dinë se kjo është për shkak se unë e di se çfarë po bëj.

Tani vijmë te pjesa e rëndësishme, që janë personat e zhdukur. Do të mendonit se është diku normale dhe e zakonshme, të gjithë duan të zgjidhin problemin e të zhdukurve. Normat dhe arritjet qytetëruese. Fatkeqësisht, Prishtina e përdori atë si një formë presioni ndaj Serbisë për shkak të reparacioneve të luftës", tha ai dhe tregoi deklaratën e propozuar.

Në adresimin e tij të parë të detajuar për media rreth takimi në Ohër për Aneksin e Zbatimit të Marrëveshjes Bazë për normalizimin e marrëdhënies ndërmjet Kosovës dhe Serbisë, Aleksandar Vuçiq tregoi edhe pse nuk ka nënshkruar marrëveshjen.

“Do të ketë gjëra më të vështira për ne në të ardhmen. Për ne është e rëndësishme që të mos varemi më nga vullneti i mirë i Prishtinës, që është një ndryshim pozitiv, por edhe se sa jemi të gatshëm të bëjmë disa gjëra kur flasim për rrugën evropiane. Pse nuk firmosa? Së pari, sepse Serbia është një vend i njohur ndërkombëtarisht, ajo që ata e quajnë Republika e Kosovës nuk është. Si President i Republikës, edhe deklaratat e mia janë të detyrueshme për vendin. Do ta keni të vështirë të tregoni se marrëveshja ekziston pa nënshkrim, por për çdo rast, pas çdo takimi, unë flas pa mëdyshje për vijat e kuqe të Serbisë. Dhe e thashë sot, që askush të mos mendojë se mund t’i imponohen Serbisë. Pikërisht për këtë nuk kemi nënshkruar marrëveshjen apo aneksin. Por Serbia është e gatshme të punojë në zbatimin deri në vijat e kuqe”, ka thënë Presidenti i Serbisë, Aleksandar Vuçiq, në konferencën për media.

“Gjithmonë kam thënë se ne e pranojmë konceptin, do të punojmë në implementim, jemi të gatshëm të bëjmë më shumë se dikush nga Prishtina. Unë thjesht dua që njerëzit të dinë se ne kujdesemi, kur më dëgjojnë të përsëris disa gjëra, të dinë se kjo është për shkak se unë e di se çfarë po bëj. Tani vijmë te pjesa e rëndësishme, që janë personat e zhdukur.

Do të mendonit se është diku normale dhe e zakonshme, të gjithë duan të zgjidhin problemin e të zhdukurve. Normat dhe arritjet qytetëruese. Fatkeqësisht, Prishtina e përdori atë si një formë presioni ndaj Serbisë për shkak të reparacioneve të luftës“, tha ai dhe tregoi deklaratën e propozuar.