Kryeministri i Kosovës, Albin Kurti, ka treguar se e ka pranuar një pikturë nga një talent i ri i artit.
“Zyrës sime sot iu shtua edhe një pikturë, nga piktori i ri, Akil Dashevci”, ka shkruar Kurti në Instagram.
Sipas kryeministrit e bukur është e llojllojshmja.
Postimi i plotë i Kurtit në instagram:
Zyrës sime sot iu shtua edhe një pikturë, nga piktori i ri, Akil Dashevci.
Bota në sytë e Akilit është përplot ngjyra, prandaj edhe pikturat e tij janë përherë shumëngjyrëshe.
Imagjinata në pikturën e Akilit vjen përmes gjurmës që lë brusha e tij. Disleksia në të nxënë e disgrafia ne shkrim janë epiqendra e ngjyrave të tij që na e mësojnë se bukuria është e llojllojshmja.
Ai bashkë me nënën e tij Safa Boja Dashevci, më shoqëruan sot pasdite në Kryeministri dhe me njoftuan për ekspozitat e organizuara dhe sukseset e arritura.
