Një ngjarje e rëndë ka ndodhur dje në familjen Gjoci nga Istogu, ku humbi jetën familjari i tyre, 39-vjeçari, Arben Gjoci.
Ai u dërgua në spital pa shenja jete, me ç’rast ekipi mjekësor konstatoi vdekjen e tij.
39-vjeçari ndërroi jetë papritmas në shtëpinë e tij, akoma nuk dihet shkaktari i vdekjes.
Ky rast e ka pikëlluar jashtëzakonisht shumë gruan e të ndjerit, e cila kërkoi ndihmën e Policisë për shkak të gjendjes së rëndë të bashkëshortit, por fatkeqësisht ai s’mundi të mbijetojë.
Ekipi mjekësor që intervenoi në vendin e ngjarjes, pas ekzaminimeve për shenja vitale, e ka konfirmuar se viktima ishte pa shenja jete.
Ndërkohë në vendin e ngjarjes kanë dalë edhe njësitë policore, ku kanë bërë ekzaminimet e nevojshme dhe është marrë deklarata e gruas së të ndjerit.
Me urdhër të Prokurorit të Shtetit, trupi i pajetë i viktimës është tërhequr për t’u dërguar në IML për obduksion, teksa kanë nisur hetimet për të zbardhur rrethanat në të cilat ka vdekur Gjoci.
Për vdekjen e tij kanë njoftuar edhe miqtë e familjarët, ndërsa ende s’kanë bërë të ditur për kohën e ceremonisë së varrimit.
