Ish kreu i BIA-së serbe dhe Lëvizjes Socialiste, Aleksandar Vulin pas vendimit nga qeveria e Kosovës për të regjistruar tokën e manastirit të Deçanit, sipas tij me urdhrin e Kuintit, ka shtruar pyetjen se po mendojnë se nuk kuptojmë dhe jemi të marr për lojërat e tyre, shkruan “Politika” transmeton “Bota sot”.
"Kuinti triumfoi ndaj Kurtit, pas vetëm 8 viteve të vendimit të Gjykatës Kushtetuese të Kosovës, që toka që i takonte manastirit Deçan me shekuj të regjistrohet nga Agjencia kadastrale dhe pas kësaj fitore nga Kuinti ata do kërkojnë nga Beogradi të bëjë diçka në rikthim, po këtë për 8 ditë për të qetësuar Kurtin e hidhëruar dhe shqiptarët e lënduar (prapë përdor termin fyes)”, tha Vulin në faqen e partisë së vetë.
Ai theksoi se “nuk është sekret se serbët nuk janë të përkëdhelurit e BE-së dhe mendojnë se nuk jemi të vlefshëm për respektin dhe vëmendjen e tyre".
"Por, për mua, nuk mbetet sekret pse mendojnë se ne jemi më pak të mençur dhe nuk kuptojmë lojërat e tyre poshtëruese dhe të marra, serb çka nuk keni të qartë?” tha Vulin.