Drejtuesi i një makine me targa sllovake, një shtetas shqiptar 29-vjeçar, i cili mbrëmjen e së martës shkaktoi një aksident të rëndë trafiku në autostradën e Adriatikut pranë Sllanos, në të cilin vëlla e motër Stjepan (21-vjeç) dhe Katarina Derek (19-vjeçe) kanë ndërruar jetë, po trajtohet në Spitalin e Përgjithshëm të Dubrovnikut.
“Pacienti, i datëlindjes 1995, shtetas i huaj, aktualisht është në gjendje të qëndrueshme. Me shumë mundësi, nëse fotografia klinike dhe gjetjet lokale nuk përkeqësohen, ai do të lirohet të enjten”, tha Dr. Marijo Bekiq, drejtoreshë e Spitalit të Përgjithshëm të Dubrovnikut për HRT.
“Shoferi ndodhet aktualisht në Spitalin e Përgjithshëm.
Ai ka pësuar lëndime të lehta fizike, është nën mbikëqyrjen e policisë dhe kur të lirohet nga trajtimi do të arrestohet për kryerjen e veprës penale dhe shkaktimin e një aksidenti trafiku me pasoja fatale”, tha për HRT Andrijana Biskup, zëdhënëse e Departamentit të Policisë në Dubrovnik.
