Juncker: Vendimi për nisjen e negociatave me Maqedoninë e Veriut mund të merret në korrik - Bota Sot
Juncker: Vendimi për nisjen e negociatave me Maqedoninë e Veriut mund të merret në korrik

Maqedonia

Juncker: Vendimi për nisjen e negociatave me Maqedoninë e Veriut mund të merret në korrik

Më: 4 qershor 2019 Në ora: 19:35
Jean Claude-Juncker

“Vendimi për nisjen e negociatave me Maqedoninë e Veriut mund të pritet gjatë muajit korrik”, ka deklaruar sot pasdite kryetari i Komisionit Evropian Jean Claude-Juncker.

Pas rekomandimit pa kusht për nisjen e negociatave nga Komisioni Evropian në raportet e rregullta për vendet e Ballkanit Perëndimor më 29 maj, vendet-anëtare të BE-së do të diskutojnë për këtë çështje më 18 qershor në Luksemburg.

“Udhëheqësia e Rumanisë e ka vendosur këtë çështje në agjendën e Këshillit për punë të përgjithshme në qershor për debat të parë. Qëllimi i KE-së është të bëjë gjithçka që të ketë vendim përfundimtar në verë”, tha Juncker në konferencë të përbashkët me kryeministrin Zoran Zaev.

Burime qeveritare për AIM thonë se kanë marrë mesazhe inkurajuese nga shefi i KE-së gjatë mbledhjes së sotme, ku është diskutuar për Maqedoninë e Veriut.

Juncker nuk u përgjigj në pyetjen e gazetarëve, nëse ka për qëllim që në mënyrë eksplicite të kërkojë nga vendet anëtare të caktojnë datë për Maqedoninë e Veriut dhe Shqipërinë.

Ndërsa nga ana tjetër kryeministri Zoran Zaev tha se është i bindur se vendimi do të merret gjatë kësaj vere.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...