Një avion i llojit polak “Enterair”, i mbushur me bashkudhëtarë tanë nga Zvicra që janë nisur për pushimet dimërore për në Shkup, me orë të tëra ka filluar një aventurë të pakëndshme.
Një lexues i “Shtegu.com” na ka shkruar se avioni është dashur të niset në ora 11.30, por se është nisur katër orë më vonë, në ora 15.30.
Për shkak të motit të keq, avioni nuk ka mundur të aterrojë në Shkup, por ka shkuar për Selanik dhe tani udhëtarët pothuajse një rë janë duke pritur që ai sërish të marr destinacionin e Shkupit.
Të shpresojmë se udhëtimi i tyre i stërzgjatur do të përfundojë si është më së miri.
