Prodhimtaria industriale në nëntor të vitit 2020 shënoi rënie prej 4 për qind në krahasim me nëntorin e vitit të kaluar, ndërsa në periudhën janar-nëntor 2020 në krahasim me atë periudhë të vitit 2019 ka ulje prej 10,6 për qind, publikoi Enti Shtetëror i Statistikës.
Sipas të dhënave të publikuara për sektorë, prodhimtaria industriale në sektorin Miniera dhe nxjerrjen e gurit në nëntor të vitit 2020, në krahasim me nëntorin e vitit 2019, shënon rritje prej 8,7 për qind, në sektorin Industri përpunuese prej 6,2 për qind, ndërsa në sektorin Furnizim me energji elektrike, gaz, avull dhe kondicioner rritje prej 0,1 për qind.
Ulja në sektorin Industri e përpunimit është rezultat, para së gjithash, i prodhimtarisë së ulur në këto departamente: Prodhimtari e produkteve ushqimore, Prodhimtari e produkteve të duhanit, Prodhimtari e veshmbathjeve, Prodhimtari e produkteve nga goma dhe produkte nga masa plastike, Prodhimtari e metaleve, Prodhimtari e produkteve të fabrikuara metale, përveç makina dhe pajisje dhe Prodhimtari e makinave dhe pajisjeve, të papërmendura në vend tjetër.
Sipas grupeve kryesore industriale, prodhimtaria në nëntor të vitit 2020, në krahasim me nëntorin e vitit 2019, shënon rënie te Produktet e qëndrueshme për konsum të gjerë për 33,4 për qind dhe produkteve të paqëndrueshme për konsum të gjerë për 14, 8 për qind, përderisa rritje shënon në Energji 3,5 për qind, produkte të ndërmjetme, përveç energji për 4 për qind dhe Produkte kapitale për 0,8 për qind.
