Kryeministri Zoran Zaev ka mohuar se ka biseduar për koalicion të zgjeruar para dhe gjatë ditës së pushtimit të Kuvendit më 27 prill 2017.
“Një koalicion i gjerë nuk u diskutua me mua para “27 prillit” dhe më “27 prill”. Ndoshta ata kanë biseduar me dikë tjetër”, tha kryeministri Zoran Zaev për “Fokus” pas dëshmisë së ish-ministrit nga radhët e OBRM-PDUKM-së, Nikolla Todorov për ngjarjet e “27 prillit” në të cilën ai tha se në atë kohë ishte një plan për një koalicion të zgjeruar.
“Po e them këtë për herë të parë. Ne patëm bisedime për një koalicion të gjerë dhe kjo ishte arsyeja pse unë isha shumë nervoz dhe i shqetësuar atë ditë.
Ne ishim në rrugën e duhur për atë koalicion të gjerë, i cili supozohej ta vinte vendin në rrugën e anëtarësimit në BE dhe NATO”, dëshmoi Nikola Todorov.
