Policia kufitare pranoi donacion maska mbrojtëse, doreza mbrojtëse dhe dezinfektues nga Qeveria e Polonisë në kuadër të ndihmës së kërkuar përmes Qendrës Koordiantive Euroatlantike për Fatkeqësi pranë NATO-s.
Donacionin sot e dorëzoi ambasadori i Polonisë në Maqedoni, ndërsa donacionin e pranoi drejtori i Byrosë për Siguri Publike pranë MPB-së, Arif Asani.
Siç njoftojnë nga MPB, drejtori i BSP-së, Asani falënderoi ambasadorin për donacionin dhe po ashtu falënderoi pjesëtarët e të shërbimit kufitar polonez të cilët bashkërisht me policinë e Maqedonisë marrin pjesë në operacionet e përbashkëta për forcimin e kufirit jugor e që ka të bëjë me emigrimin ilegal.
Ambasadori theksoi se ky aktivitet është realizuar me nismë të presidentit të Polonisë në bashkëpunim me Qeverinë e Polonisë./
