Filipçe: Në vitin 2022 do të ketë rritje prej 5% të pagave për të gjithë punonjësit shëndetësor

Maqedonia

Filipçe: Në vitin 2022 do të ketë rritje prej 5% të pagave për të gjithë punonjësit shëndetësor

Më: 30 dhjetor 2021 Në ora: 13:34
Venko Filipçe

Ministri i Shëndetësisë Venko Filipçe, sot ka mbajtur takim pune me shoqatat sindikale të punonjësve shëndetësor, në të cilin është nënshkruar marrëveshje kolektive, sipas së cilës vitin që vjen do të realizohet rritje e pagave për 5% për të gjithë të punësuarit në shëndetësi.

Për këtë qëllim për vitin 2022 janë ndarë gjithsej 600 milionë denarë.

Filipçe tha se në 4 vitet e fundit kjo Qeveri ka rikthyer dinjitetin e mjekëve dhe personelit mjekësor.

“Kemi rritur pagën bazë të mjekëve specialistë me 40%, të infermierëve nga 20% në 23%, të mjekëve të përgjithshëm me 25%, dhe të bashkëpunëtorëve shëndetësorë me 15%. Pagat e mjekëve specialistë janë dyfishuar diku. Korrigjuam koeficientin e detyrës. Bashkëpunëtorëve të rinj u siguruam sigurim shëndetësor, turne të paguara dhe kompensim mujor në shumën e pagës bazë të mjekut të përgjithshëm. Qytetarët meritojnë kujdesin më të mirë mjekësor, kurse punëtorët shëndetësorë meritojnë kushte të denjë për kryerjen e veprimtarisë së tyre”, tha Filipçe.

commentFirst article
Sot mund të lexoni Shfletoni kopertinat