Kryetari i OBRM-PDUKM-së Hristijan Mickoski inkurajoi gazetarët që nesër t’i bëjnë tre pyetje kryeministrit bullgar Kiril Petkov.
“I pari, i kujt është Goce Dellçevi, të cilit i përket populli, i dyti që e filloi kryengritjen e Ilindenit dhe i treti, pse insistojnë që gjuha maqedonase të jetë në përputhje me Kushtetutën, e jo vetëm gjuha maqedonase. Nëse i përgjigjet saktë këtyre tri pyetjeve, atëherë me të vërtetë mendoj se atë që thotë kryeministri bullgar e ka për qëllim dhe atëherë mund të fillojmë menjëherë negociatat me BE-në”, tha Mickoski për “24 Analiza”.
Sipas Mickoskit, retorika e Petkovit është e njëjtë me atë të ish-ministres së Jashtme bullgare Ekaterina Zakharieva.
“Nëse gazetarët nuk i bëjnë këto pyetje, unë do t’i bëj. Do të kemi një takim tete-a-tete. Do t’i bëj pyetje tjera dhe do t’i tregoj qëndrimet e OBRM-PDUKM-së”, informon Mickoski.
