Qeveria e Maqedonisë së Veriut thotë se 26 masat e reja antikrizë, me vlerë 400 milionë euro, tashmë po japin rezultat.
Nga Qeveria thonë se me ndryshimet e miratuara në Kuvend për ligjet e TVSH-së dhe akcizës, me propozim të tyre si pjesë e masave kundër krizës, nga sot janë ulur çmimet e derivateve të naftës dhe derivateve të transportit.
“Me zbatimin efikas të procedurës, aplikimi i masave kundër krizës ka sjellë ulje të çmimit të derivateve dhe me këtë, benzina BS-95 është ulur për 6,5 denarë, ndërsa dizeli për 9 denarë. Në përputhje me uljen e akcizës dhe TVSH-së për derivatet e naftës, ka rënë edhe çmimi i karburanteve të tjera”.
“Këto janë vetëm disa nga rezultatet e masave për uljen e TVSH-së dhe akcizës për karburantet si prioritet i vetëm i Qeverisë si mbrojtja e standardit të qytetarëve dhe ruajtja e stabilitetit ekonomik. Me të gjitha politikat e mëparshme, masat dhe qeverisjen e përgjegjshme, qeveria e re në vetëm 50 ditë ka treguar se mund dhe mund të përballojë sfidat”, thonë nga Qeveria.
Më tej shtojnë se subvencionimi i qytetarëve për rrymë, zgjidhet problemi me ngrohjen në Shkup, ne këmbëngulim në përkrahjen e kategorive të rrezikuara financiarisht të qytetarëve për rrymë dhe blerjen e produkteve bazë dhe përmes një sërë masash i mbajnë çmimet e produkteve bazë stabile.
“Me paketën e re prej 26 masash, 400 milionë euro nga buxheti drejtohen në mbështetje të qytetarëve dhe kompanive. Krahas të gjitha këtyre masave të krizës, Qeveria e ngriti pagën minimale në 18.000 denarë dhe shënoi rritje rekord të pensioneve, duke përfshirë edhe mbështetje shtesë financiare për pensionistët”, thonë nga Qeveria.
