Ministria e Shëndetësisë në Maqedoni informon se në 24 orët e fundit janë bërë 1996 testime për coronavirus, ndërsa 198 raste kanë rezultuar pozitiv.
Prej rasteve të reja në Shkup janë 120, Manastiri – 15, Prilepi – 11, Ohri – 7, Kumanova dhe Vinica – 6, Kavadari – 5, Tetova, Velesi, Shtipi dhe Kërçova – nga 4, Dibër dhe Kratovë – nga 2, Gostivar, Strumicë, Koçani, Strugë, Gjevgjeli, Sveti Nikollë, Dellçevë dhe Demir Hisar – nga 1.
Nga MSH informojnë se në 24 orët e fundit kanë ndërruar jetë 4 pacientë, ndërsa nga sistemi “Termini im” janë paraqitur edhe 5 pacientë të vdekur, të cilët kanë ndërruar jetë në periudhën nga 27 shkurti deri 2 marsi 2022.
Kurse ISHP ka regjistruar 276 pacientë të shëruar. Me rastet e sotme numri i përgjithshëm i të infektuarve shkon në 301.491, prej të cilëve 290.254 janë shëruar, ndërsa 9.146 kanë ndërruar jetë.
Numri i rasteve aktive deri sot (13 mars) është 2.091.
