Për udhëtim në Greqi, nga nesër, më nuk do të nevojitet të plotësohet formulari PLF (Passenger Locator Form), që tashmë 20 muaj ishte dokument i detyrueshëm dhe i nevojshëm për hyrje në vend, ndërsa vlente edhe për shtetasit e Maqedonisë së Veriut të cilët udhëtojnë te fqinji jugor, njofton AIM.
Ministri i Turizmit i Greqisë, Vasilis Kikiljas para dhjetë ditëve kumtoi se “me rekomandim të Komisionit të Epidemiologëve të Ministrisë së Shëndetësisë, nga 15 marsi i vitit 2022 hiqet plotësimi i formularit Passenger Location Form (PLF) për të gjithë vizitorët nga të gjitha vendet për hyrje në Greqi” dhe shtoi se heqja e lehtëson procesin për hyrjen e turistëve dhe theksi do të jetë në kontrollimin e certifikatave.
Ndryshimet janë përfshirë edhe në vendimin e fundit ministror “Parakushte për hyrje në vend për kufizimin e përhapjes së Kovid-19 që është në fuqi deri më 21 mars të vitit 2022, ndërsa siç tashmë publikoi MIA javën e ardhshme, parashikon se “të gjithë udhëtarët në Greqi, pa dallim të kombësisë dhe mënyrës për hyrje në vend deri më 14 mars të vitit 2022, e plotësojnë formularin elektronik PLF”.
Plotësimin e detyrueshëm të formularit PLF, Greqia e vendosi më 1 korrik të vitit 2020 kur pas valës së parë të Kovid-19 dhe karantinës së parë gradualisht filloi t’i hapë kufijtë për shtetasit e huaj.
