Me propozim të Ministrisë së Ekonomisë në koordinim me Ministrinë e Bujqësisë, Pylltarisë dhe Ekonomisë së Ujërave Qeveria në seancën e sotme miratoi Vendimi për zgjatjen e ndalimit të eksportit të disa drithërave dhe vajit të lulediellit deri më 15 maj 2022, ka njoftuar në profilin e tij në Facebook ministri i Ekonomisë Kreshnik Bekteshi.
Sipas këtij vendimi, në 30 ditët e ardhshme deri më 15 maj 2022 do të ndalohet eksporti i: grurit, elbit, misrit, miellit nga gruri, farat e lulediellit- përfshirë ato te thyera apo te grimcuara, vajrat e farave të lulediellit, farat e shafranit apo panjeve dhe fraksionet e tyre, nëse janë apo jo të rafinuara por të pa modifikuara kimikisht, të lulediellit.
Po ashtu, me propozim të Ministrisë së Ekonomisë, Qeveria ka vendosur sot heqjen e tarifës së importit – normës doganore për importin e vajit të lulediellit për gatim, si një nxitje shtesë për ruajtjen e ofertës në tregun vendorë nga rritja e çmimeve, nga data 31 maj 2022.
“Nevoja e shtyrjes së afatit për ndalimin e eksportit edhe për 30 ditët e ardhshme, pra pas 15 prill 2022 deri më 15 maj 2022, si dhe heqja e normës doganore për importet e vajit të lulediellit ushqimor deri më 31 maj 2022 është për të ruajtur gjendjen aktuale në tregun e brendshëm nga mundësia e çrregullime serioze për shkak të mungesës së mallrat e nevojshme për prodhimin, përpunimin dhe për jetën dhe shëndetin e qytetarëve, për korrjen e re, si dhe nxitje shtesë për të ruajtur furnizimin në tregun vendas nga rritja e çmimeve”, ka shkruar ministri Bekteshi.
Qëllimi i kësaj mase është mbrojtja e tregut vendas dhe e qytetarëve në kohë krize për të shmangur veprimet spekulative të tregtarëve dhe prodhuesve dhe për të mbrojtur prodhimin vendorë, tregun vendorë dhe qytetarët.
