Vazhdimi i punimeve për ndërtimin e rrugës “Strasho Pinxhur” në Tetovë, ka ngjallur debat të ashpër mes qytetarëve, këshilltarëve dhe kryetarit të Komunës së Tetovës, Bilall Kasami.
Pas reagimeve nga qytetarët dhe këshilltarët e iniciativës “Më mirë për Tetovën”, kryetari i Tetovës Bilall Kasami ka dalë në terren për të inspektuar punimet, ndërkohë atje ka qenë edhe këshilltari Hamdi Sulemani.
Sulemani ka kërkuar përgjegjësi nga Kasami për prerjen e drunjve, duke shtuar se edhe qytetarët janë të revoltuar.
Në debatin në mes tyre, Kasami thotë se drunjtë e vjetër do të zëvendësohen me të rinj, që sipas tij, do të jenë adekuat edhe në aspektin e pamjes edhe në aspektin ekologjik.
Ndërkohë në debatin në mes këshilltarit Sulemani dhe kryetarit Kasami, ka ndërhyrë edhe një qytetare, e cila u shpreh e revoltuar për prerjen e drunjve.
