Prokurori Ljubomir Lape në vërejtjet përmbyllëse për rastin “Talir 2” kërkoi që të akuzuarit Nikolla Gruevski dhe Kiril Bozhinovski të shpallen fajtorë, ndërsa selia e partisë së OBRM-PDUKM-së të konfiskohen, përcjell Telegrafi Maqedoni.
Sipas tij, të akuzuarit kanë bërë disa veprime të paligjshme në drejtimin që partia të fitojë në mënyrë të paligjsme pronë, seli të re të partisë dhe me përfitime të paligjshme të pronës – mjete financiare, ndërsa kjo është bërë në kundërshtim me kufizimet ligjore.
Me publikimin e konkursit publik nga të akuzuarit Gruevski dhe Bozhinovski, prokurori Lape, theksuan se kishte hapësirë për financimin e paligjshëm të partisë politike OBRM-PDUKM dhe blerjen e pronësisë së pronave, e cila sipas ligjit partia nuk mund ta kishte.
“Më 4.10.2012 KE i OBRM-PDUKM-së merr vendim për të autorizuar, duke autorizuar të akuzuarin Kiril Bozhinovski, sekretarin e përgjithshëm të partisë, të nënshkruajë një marrëveshje bashkë-investimi me D.G. Beton SH.A Shkup, si ofertuesi më i favorshëm i thirrjes publike. Një vendim i tillë nënshkruhet nga i akuzuari Nikolla Gruevski”, tha Lape.
Për rastin “Talir 2” të akuzuar janë Nikolla Gruevski dhe Kiril Bozhinovski.
