Ish-shefi i diplomacisë maqedonase, Nikolla Poposki, mendon se propozimi francez nuk ka fare garanci, por ai thotë se i njejti mund të relativizohet.
“Kur filloi procesi, asnjë shtet anëtar nuk kishte garanci të tilla, e vetmja garanci ishte “do të bëhesh shtet anëtar”. Kur? Nuk e dimë!, Në çfarë forme? Nuk e dimë!, Në çfarë kushtesh?, Nuk e dimë!, prandaj është qëndrim i përbashkët i BE-së”, tha Poposki në një intervistë televizive.
Sipas tij, në këto kushte askush nuk garanton asgjë dhe nuk duhet të krijojmë pritshmëri që tani dikush të vijë e të na thotë “100 përqind tani do të jetë kështu”.
Kjo, siç tha ai, nuk do të ndodhë.
Poposki vlerëson se ka një pikëpyetje të madhe për interesat kombëtare dhe se nuk duhet të rrisim rreziqet.
“Fokusi ynë për momentin është nëse jemi dakord mes të gjitha partive politike në Kuvend, t’i bëjmë një kërkesë direkt parlamentit francez dhe atij gjerman, që të miratojnë deklaratë, një deklaratë të tyre në të cilat do t’i referohen Deklaratës Universale të Të drejtat e njeriut dhe ku do të garantohet e drejta jonë që të kemi gjuhën maqedonase, të ndihemi si maqedonas dhe në të ardhmen të jemi pjesë e BE-së, kështu siç jemi, në atë moment kur ne bëhemi shtet anëtar”, tha Poposki.
