Kryetari i Partisë Liberale Demokratike dhe ministri i Vetëqeverisjes Lokale Goran Milevski ka reaguar sot në mëngjes ndaj shkrimeve të opozitës pas votimit të shumicës parlamentare për propozimin evropian për negociata për anëtarësimin e Maqedonisë në BE.
Reagimi i tij:
“E shoh mbrëmë, e djathta ekstreme, e cila paraqitet si e majtë dhe në thelb është një sekt i tipit Dëshmitarë të Jehovait, me mbështetjen e të gjithë makinerisë së propagandës dhe financiare ruse, filloi një fushatë negative kundër meje me gënjeshtra dhe manipulime të rënda. Qëllimi është një eliminim i qartë politik i kundërshtarëve të tyre më të mëdhenj ideologjikë, të cilët më hapur luftojnë kundër interesave dhe instalimeve ruse në Maqedoni. Unë as nuk e votova dhe as e mbështeta propozimin francez, as tani dhe as në të ardhmen nuk do të pajtohem me bullgarizimin e historisë maqedonase, edhe sikur të largohem nga politika. As tani dhe as në të ardhmen, nuk do të bëj një hap që do t’i lejonte degët ruse të ndryshojnë kursin politik të vendit. Dhe këtu qëndron nervozizmi i këtij grupi interesant dhe i Rusisë. Pavarësisht se çfarë shkruani, ne nuk kemi frikë nga ju dhe nuk do t’ju lëmë ta shkatërroni këtë vend”, ka deklaruar Milevski.
Kujtojmë se pas miratimit të propozimit francez nga Kuvendi i Maqedonisë me gjithsej 68 vota PRO, Dimitar Apasiev nga partia E majta, deklaroi se tashmë ata e kanë një plan B të veprimit.
