Para zyrave të EVN-së në Shkup po mbahet protestë nga banorët e Haraçinës të cilët tash e dy ditë janë pa energji elektrike.
Qytetarët kërkojnë takim me autoritet e kompanisë EVN. Ata ankohen edhe për fatura të larta të energjisë elektrike.
Në protestë është prezent edhe kryetari i komunës së Haraçinës, Ridvan Ibrahimi.
Para mediave ai tha se ka dalë në protestë për ta përkrahur popullin.
“Kërkojmë urgjentisht që EVN të merr nën udhëheqjen e duhur edhe komunën tonë. Është e padrejtë ky imponim i vazhdueshëm i problemit me rrymën elektrike. Është e papranueshme që në ditët të sotme qytetarët të ballafaqohen me padrejtësi të madhe. Nuk e di i kujt është qëllimi që të eskalojë kjo situatë”, tha mes tjerash Ridvan Ibrahimi.
