Nënkryetari i OBRM-PDUKM-së, Aleksandar Nikolloski, tha se anketat tregojnë rritje të numrit të njerëzve në Ballkanin Perëndimor, veçanërisht te të rinjtë, të cilët janë pesimistë për perspektivat dhe anëtarësimin në BE.
“Siç thekson saktë zoti Papandreu në raport, sondazhet tregojnë se numri i njerëzve në Ballkanin Perëndimor është në rritje, veçanërisht tek të rinjtë, të cilët janë pesimistë për perspektivat dhe anëtarësimin në BE.
Vizioni evropian po humbet shkëlqimin e tij, por etno-nacionalizmi po rishfaqet me një zhvillim shumë shqetësues. Çfarë po ndodh me vendin tim – Maqedonia është shembulli më i mirë për këtë.
Ishte Greqia ajo që vuri veton për hapjen e negociatave të anëtarësimit për vite me radhë dhe më pas nga viti 2020 është Bullgaria, duke përdorur pozicionin e saj si vend anëtar i BE-së për të shantazhuar Maqedoninë, mohuar ekzistencën e kombit maqedonas, mohuar kulturën dhe historinë maqedonase dhe pretendon se gjuha maqedonase është një dialekt i gjuhës bullgare.
Maqedonisë i bëhet presion që të pranojë të gjitha këto që të hapen negociatat për anëtarësim dhe të mund një ditë të bëhet anëtare e BE-së”, thotë Nikollovski.
