Aleanca për Shqiptarët e ka përshëndetur gatishmërinë e kryeministrit Kovaçevski për të biseduar dhe gjetur zgjidhje të përbashkët mbi heqjen e 20% si definicion për shqiptarët në Kushtetutë gjatë ndryshimeve kushtetuese.
Sipas ASh-së kjo problematikë fillimisht duhet biseduar mes faktorit politik shqiptar për të ndërtuar qëndrim të unifikuar, pa pasur nevojë të bëhen garë mes partive shqiptare.
Ndërsa sa i përket formatit të bisedimeve lidhur me këtë problematikë e mendojnë se kjo çështje merr seriozitet kur në tryezë ulen katër subjektet politike më të mëdha në vend.
