Bullgaria i kërkoi Këshillit të Çështjeve të Përgjithshme të BE-së që sulmet e motivuara nga urrejtja ndaj bullgarëve etnikë në Maqedoninë e Veriut dhe ndjekja penale e tyre të përfshihen në dokumentin e ministrave të çështjeve evropiane. Këshilli për Punë të Përgjithshme ka pranuar konkluzionet e palës bullgare, njoftoi sot agjencia “BGNES”.
Tema është pjesë e shtetit të së drejtës dhe lirive themelore, të cilat janë kriter kyç për përparimin në procesin e anëtarësimit në Bashkimin Evropian, theksohet në deklaratë.
Zv. kryeministrja bullgare, Vasileva Petrova shprehu shqetësimet serioze për rritjen e numrit të sulmeve të motivuara nga urrejtja ndaj qytetarëve të Maqedonisë së Veriut me prejardhje etnike bullgare, me çka janë prezantuar edhe deklaratat në fjalë.
Për Maqedoninë e Veriut, dera e BE-së u mbyll fort prej vitesh për shkak të vetos së Bullgarisë në një sërë mosmarrëveshjesh mbi historinë, kulturën dhe gjuhën.
