Kryetari i PDSH-së, Menduh Thaçi, në takimin fundvitit me bashkëpartiakët dhe gazetarët ka theksuar se lufta në Ukrainë dhe kriza ekonomike ndërkombëtare e shkaktuar nga ky konflikt, edhe në vitin 2023 do të paraqet problem dhe karakteristikë kryesore.
Sipas Thaçit, për RMV-në shpëtimi do të jetë mbështetja nga BE-ja dhe SHBA-të.
“Analizat e mia politike tregojnë se viti i kaluar do të mbetet I shënuar për agresionin e Rusisë dhe luftës kundër Ukrainës, që ka destabilizuar gjithë komunitetin ndërkombëtar natyrisht edhe neve këtu. Gjëja e dytë që del nga e gjithë kjo është situate e rëndë ekonomike.
Nuk u takoj politikanëve që për çdo ditë ofrojnë shpresa pa mbulesë. Fatkeqësisht duhet të them se viti I ardhshëm në planin ekonomik do të përkeqësohet edhe më tej. Shpresa jonë e vetme është te jemi me partnerët tanë ndërkombëtar BE dhe SHBA, që na ndihmojnë dhe shpresoj se edhe më tej do të na ndihmojnë ekonomikisht” , ka deklaruar kryetari i PDSH-së, Menduh Thaçi.
