Sondazhet e opinionit publik janë të dizajnuara në atë mënyrë që synojnë të përfaqësojnë opinionet dhe besimin e qytetarëve në sfera dhe fusha të ndryshme. Fatkeqësisht, hulumtimi i fundit nga anketa e Eurotink ka tregues të panumërt nga të cilët mund të konkludohet – paaftësia dhe kriminaliteti i LSDM-së dhe BDI-së nga njëra anë shkatërroi plotësisht besimin e qytetarëve në sistemin, dhe nga ana tjetër rriti euroskepticizmin.
Përkatësisht, një nga pyetjet që shqyrton ky hulumtim është se cilat janë qëndrimet e qytetarëve për demokracinë në Maqedoni? Rezultati është si vijon – 61% e qytetarëve mendojnë se në Maqedoni nuk ka demokraci, e cila shprehet me notat më të ulëta, me një dhe dy. Kjo qeveri e paaftë vazhdimisht flet për gjoja respekt për demokracinë, lirinë e fjalës, respektimin e të drejtave të njeriut, ndërsa në realitet Maqedonia renditet në një regjim hibrid, duke fyer mediat dhe politikën e tyre editoriale dhe duke kufizuar lirinë e fjalës.
Ajo që është edhe më e frikshme është se kronologjikisht në sondazh, rënia e madhe për demokracinë ndodh në vetëm dy vjet, nga viti 2020 deri në 2022, për 25.5% besim më të ulët.
Në të njëjtën kohë, është qeveria ajo që vazhdimisht dëshiron të krahasojë situatat në Maqedoni nga para dhe pas, prandaj ja një dëshmi tjetër për këtë. Në vitin 2015, 32,9% e të anketuarve besonin se në Maqedoni ka demokraci në krahasim me vetëm 16% sot.
Pasojnë shifra shkatërruese. 72% për qind e qytetarëve në Maqedoni besojnë se vendi po lëviz në drejtim krejtësisht të gabuar. Për më tepër, ajo që bie edhe më në sy është se besimi i atyre qytetarëve që vitin e kaluar menduan se Maqedonia po ecën në drejtimin e duhur, ka rënë për 10% për vetëm një vit. Ky është një shembull i qartë se si kjo qeveri e paaftë dhe kriminale e SDS-së dhe BDI-së po ua vret shpresën e fundit qytetarëve se mund të bëjnë më mirë, se ndryshe duhet të bëjnë.
Me këta tregues Maqedonia nuk mund të ecë përpara, qytetarët nuk jetojnë më mirë, përkundrazi, zhgënjimi po rritet dita-ditës, varfëria po rritet, jeta po bëhet më e vështirë për të gjithë ne, ndërsa ata nga qeveria po përpiqen të blejnë një ditë apo një muaj më shumë për t’u pasuruar dhe për biznese të reja. Të nderuar qytetarë, një gjë është e sigurt – sa më gjatë të zgjasë kjo qeverisje aq më keq do të jetë për Maqedoninë, thuhet në kumtesën e OBRM-PDUKM-së.
