Ministri i ri i Drejtësisë Krenar Lloga, tha se po përgatitet dokument i ri për ekstradimin e ish-kryeministrit të RMV-së Nikolla Grueski nga Hungaria.
Në TV21 ai deklaroi se dokumenti i ri lidhet me 9 raste të tjera, ndërsa në arsyetim do të shkruhet se dënimin do ta vuajë në qelitë e Hagës, të cilat i plotësojnë kushtet, pasi ka marrë azil me arsyetimin se Maqedonia nuk ka kushte të mira për atë kategori të të dënuarve.
“Gruevizmi nuk do të shpëtojë nga Maqedonia e Veriut derisa ky njeri dhe njerëzit rreth tij dhe ai shpirt të marrin dënimin e merituar. Aktualisht po përgatisim një shkresë ku kërkojmë ekstradimin e tij për 9 krime të tjera, për të cilat ai akuzohet dhe ka një urdhër ndërkombëtar”.“
Në këtë shkresë kam dhënë sugjerim të shkruhet se Maqedonia e Veriut i plotëson kushtet për kategorinë e një personi si Gruevski, sepse i njëjti Gruevski ka ndërtuar qeli në paraburgime dhe në burgje, të ashtuquajturat qeli të Hagës, të cilat i plotësojnë të gjitha standardet dhe besoj se me këto prova i plotësojmë standardet për trajtimin e tij si i burgosur special dhe mendoj se duhet të ekstradohet nga Hungaria”, tha ministri Lloga.
