Kryetari i partisë Aleanca për Shqiptarët, Arben Taravari, konsideron se ndryshimet në Kushtetutë janë vendimtare për fillimin e negociatave.
Në pyetjen e gazetarëve për zhvillimet aktuale në lidhje me amendamentet kushtetuese, ai theksoi se nëse nuk ka amendamente kushtetuese si parakusht për fillimin e negociatave, jemi të kërcënuar nga vetoja e Bullgarisë, dhe siç thekson ai, do të kemi një dekadë ngecje, ngjashëm me veton e Bukureshtit të vitit 2006.
Taravari theksoi se si Aleancë për Shqiptarët do të vazhdojnë të veprojnë për zbatimin e ndryshimeve kushtetuese edhe këtë vit.
“Nuk është vetëm insistimi ynë, por shumica e faktorëve të jashtëm politikë që e kanë mbështetur Maqedoninë në integrimet evropiane në 30 muajt e fundit. Kjo shihet në deklaratat e ambasadorëve dhe ministrave të jashtëm, të cilët kanë besuar se Maqedonia dhe Shqipëria duhet të fillojnë negociatat së bashku”, tha Taravari.
