Oda e Mjekëve dënoi ashpër sulmet verbale dhe fyerjet publike ndaj mjekëve dhe profesionit mjekësor, si dhe akuzat e pabaza për keqpërdorime mjekësore, duke theksuar se atmosfera e krijuar në opinion tregon se është e nevojshme miratimi urgjent i një ligji të posaçëm për mbrojtjen të veprimtarisë së mjekut, të cilat do të rregullohen të drejtat dhe detyrimet e mjekëve, përcjell Telegrafi Maqedoni.
“Mjekët e spitalit të Manastirit të cilët janë përfshirë në mjekimin e një vajze pesëvjeçare janë të ekspozuar ndaj presionit të jashtëzakonshëm, ndonëse nga inspektimi dhe mbikëqyrja profesionale deri më tani nuk janë konstatuar mangësi në punën profesionale.
Mjekët nga Zhan Mitrev u ekspozuan ndaj ofendimeve dhe sulmeve verbale para Gjykatës Penale, që sigurisht nuk është një atmosferë në të cilën respektohet e drejta e prezumimit të pafajësisë, si e drejtë themelore e njeriut. “Çdo ditë në media dalin në pah emrat e mjekëve që janë marrë me trajtimin e pacientëve, duke deklaruar se kanë bërë një lloj gabimi mjekësor, pa vendim të institucionit kompetent”, thonë nga Oda e Mjekëve.
Nga atje thonë se “të gjitha këto ngjarje që shkaktojnë shqetësim të rëndë, neveri dhe cenim të dinjitetit, reputacionit dhe integritetit të profesionit, gjë që është krejtësisht e papranueshme në kushtet kur organizatat më relevante ndërkombëtare theksojnë se punonjësit e shëndetësisë janë aktori më i rëndësishëm i sistemit shëndetësor, prandaj duhet të mbrohen dhe të paralajmërojnë një mungesë globale të këtyre profileve në tregun e punës”.
Gjithashtu Oda e Mjekëve inkurajon institucionet që të veprojnë në mënyrë të duhur dhe të shpejtë në të gjitha rastet kur konstatohet dështim në mjekim, por të kenë sanksionin e duhur në rastet kur mjekët sulmohen pa bazë.
