Kryeministri Dimitar Kovaçevski mbajti një ligjëratë sot në Vjenë në akademinë e njohur diplomatike (The Vienna School of International Studies), e cila është një qendër më e mirë e njohurive në fushën e çështjeve ndërkombëtare dhe një nga shkollat profesionale më të vjetra dhe më prestigjioze në botë.
Anëtarësimi i vendit në Aleancë rriti investimet e huaja direkte, të cilat në kushte krize arritën një shumë rekord historike prej 753 milionë eurosh, që është niveli më i lartë i investimeve të huaja direkte në vend dhe dy herë më shumë në krahasim me vitin 2016.
“Politikat e mira ekonomike të kësaj qeverie sjellin rritje të standardit ekonomik për qytetarët tanë, punë të qëndrueshme dhe të mirëpaguara dhe hapësirë për rritjen e konkurrencës së tyre në tregun e punës. Ne mbështesim edhe zhvillimin e kompanive vendore, me një pagesë rekord prej 23 milionë euro mbështetje shtetërore për 410 kompani”, tha Kovaçevski.
Duke iu referuar politikave të krijuara nga qeveria, kryeministri theksoi se vendi ynë është bartësi i flukseve dhe proceseve politike më pozitive jo vetëm në Ballkanin Perëndimor, por edhe në Evropë.
“Anëtarësimi në NATO e ngriti vlerësimin ndërkombëtar të Maqedonisë së Veriut si në aspektin politik, të sigurisë, ekonomik dhe financiar. Hyrja në Aleancë nuk ishte vetëm garanci e paqes dhe stabilitetit për Maqedoninë e Veriut, por edhe garanci për ekonominë e vendit, për qytetarët, për rritjen dhe zhvillimin tonë të përgjithshëm ekonomik”, theksoi Kryeministri.
