Ministria e Transportit dhe Lidhjeve dhe Ndërmarrja Publike për Rrugët Shtetërore bëjnë të ditur se sot fillon zbatimi i Marrëveshjes për ndërtimin e Korridoreve 8 dhe 10D.
Sipas marrëveshjes, nga sot do të nisin punimet përgatitore, regjistrimi i terrenit, përgatitja e projekteve urbanistike, projekteve bazë, me qëllim fillimin e procedurave për shpronësim dhe projektim.
Paralelisht me këtë fillon mobilizimi i personelit për punë, përgatitja e lokacioneve për ngritjen e kampeve për operimin e ndërtimit, analiza e trasesë dhe dislokimet e mundshme të instalimeve nëntokësore dhe mbitokësore, përgatitja e procedurave për kryerjen e hetimeve gjeoteknike.
Ndërtimi i Korridorit 8 dhe 10D është me interes strategjik për shtetin. Me realizimin e këtij projekti më të madh infrastrukturor përfundon lidhja e autostradës së korridorit të Republikës së Maqedonisë së Veriut
me Evropën dhe rajonin. Kjo nënkupton lëvizje më të lehtë të mallrave, shërbimeve dhe kapitalit, por edhe më e rëndësishmja, qarkullim të sigurt të trafikut.
