Një motoçiklist ka mbetur i lënduar rëndë në një aksident trafiku të ndodhur pasditen e sotme në lagjen “Venec 2” në Dibër.
“Personi T.K. (42) nga Dibra është sjellë në spitalin tonë me lëndime në kokë, shpatullën e djathtë dhe frakturë në pjesën e poshtme të këmbës së djathtë, por në gjendje të vetëdijshme.
Atij i është dhënë ndihma e parë dhe është imobilizuar, pas së cilës i shoqëruar nga një mjek dhe një teknik mjekësor është transportuar në Spitalin e Ortopedisë dhe Traumatologjisë “Shën Erzamo” në Ohër, njoftoi për AIM-në Ismailaki Klenja, ortoped në spitalin e përgjithshëm Dibër.
Aksidenti ka ndodhur në rrugën “Veljko Vlahoviq” afër stacionit të kontrollit teknik, përkatësisht në rrugën që shpie për në Strugë. Në aksident kanë marrë pjesë një motoçikletë e drejtuar nga T.K. dhe një veturë.
