Drejtori i NP “Rrugët e Maqedonisë”, Ejup Rustemi u shpreh se me ligjet që i ka propozuar qeveria që kanë të bëjnë me ndërtimin e korridoreve lehtësojnë procedurat.
Ai thotë se ndërtimi i këtyre korridoreve do të zgjasin gati 5 vjet, përcjell Telegrafi Maqedoni.
“Me këto ndryshime, rekomandojmë t’i shkurtojmë afatet tona aty ku kemi problem me realizimin e projekteve dhe dëshirojmë që sa më shpejt ta realizojmë. Edhe sipas marrëveshjes që kemi por edhe sipas procedurave, konsiderojmë se ndërtimi i autostradës do të zgjasë 4 vjet e 8 muaj”, u shpreh Ejupi.
Ai shtoi se projekti kushton 1.3 miliardë euro, por nëse procesi i realizimit zgjatet, atëherë çmimi do të rritet.
