Ministri i Drejtësisë, Krenar Lloga, në Hagë u drejtua në Konferencën për fillimin e projektit EURODREJTËSIA “Përmirësimi i bashkëpunimit ndërkufitar në drejtësinë penale në Ballkanin Perëndimor“. Në fjalimin e tij, Lloga tha se me rëndësi të veçantë për përballjen me krimin ndërkufitar është përkushtimi nga ana e EURODREJTËSIA-së, më tepër të angazhohet me partnerët e Ballkanit Perëndimor në drejtim të fuqizimit të kapaciteteteve të shteteve në përballjen me krimin ndërkufitar, nëpërmjet të sigurimit të ndihmës operative dhe teknike dhe mbështetjes dhe thjeshtësimit të zbatimit të hetimeve të përbashkëta, thuhet në njoftimin e Ministrisë së Drejtësisë.
“Një segment veçanërisht i rëndësishëm i bashkëpunimit tonë strategjik dhe partneritetit paraqet edhe prokurori ndërlidhës nga Republika e Maqedonisë së Veriut në EURODREJTËSIA dhe këtu dua ta potencoj edhe rolin е qartë dhe pjesëmarrjen aktive në arritjen e rezultateve të deritanishme të Prokurores Ndërlidhëse aktuale, Lençe Ristoska.
Prandaj, ideja për ngritjen e nivelit të bashkëpunimit dhe emërimin e një prokurori të përhershëm ndërlidhës është reciproke dhe ka mbështetjen time të plotë. E kjo sidomos, sepse besoj se emërimi i një prokurori publik ndërlidhës me qëndrim të përhershëm në Hagë do të kontribuojë në një përmirësim të dukshëm të rezultateve në ndjekjen e krimit ndërkufitar, por edhe në ngritjen e kapaciteteve nacionale”, thekson Lloga.
Lloga, theksojnë nga atje, shprehu bindjen se nga ana e Prokurorisë Publike të Republikës së Maqedonisë së Veriut shumë shpejtë do të përfundojnë procedurat e nevojshme për prurjen e vendimit për shpallje për paraqitjen e kandidatëve për Prokuror Publik Ndërlidhës nga Republika e Maqedonisë së Veriut në EURODREJTËSIA, të cilat ende janë duke u zhvilluar dhe se pritet që së shpejti nga ana e Prokurorit Publik të Republikës së Maqedonisë së Veriut të informohemi për kandidatin e përzgjedhur.
Ministri Lloga njoftoi se është miratuar edhe Rregullore për mënyrën e bashkëpuniit në mes të Prokurorisë Publike të Republikës së Maqedonisë së Veriut dhe Ministrisë së Drejtësisë me EURODREJTËSIA. Duke u nisur nga nevoja për të mundësuar efektivitet dhe efikasitet më të madh në punë, është përgatitur teksti i Rregullores, i cili në masë të madhe rregullon koordinimin ndërinstitucional dhe koordinimin me prokurorin ndërlidhës.
