Njësia për siguri në komunikacionin rrugor pranë SPB Shkup, nesër do të ndërmarrë masa për regjim të posaçëm në komunikacion, për shkak të zbatimit të stërvitjes operative-taktike nga ana e Ministrisë së Punëve të Brendshme, në koordinim me Ambasadën e SHBA-së.
Me këtë rast, për qarkullim do të mbyllen rrugët “Samoillova” nga rruga “Llazar Liçenovski” (Ambasada e SHBA-së) deri te udhëkryqi me rrugët “Prohor Pçinjski”, “Samoillova” dhe “Llazar Liçenovski” në pjesën nga ndërtesa e NP Ujësjellësi deri te Ambasada e SHBA-së në Shkup.
“Sipas nevojës, për qarkullim do të jetë i mbyllur edhe bulevardi ‘Nikolla Karev’ në pjesën nga rruga ‘Brigada maqedono-kosovare’ deri te rruga ‘8 Shtatori’, si dhe rruga ‘Brigada maqedono-kosovare’, në pjesën nga udhëkryqi me rrugën ‘Xhon Kenedi’ deri te udhëkryqi me bulevardin ‘Nikolla Karev’ në Shkup, ndërsa komunikacioni do të riorientohet nëpër rrugët në afërsi”, kumtoi MPB.
