Presidenti Stevo Pendarovski sot nënshkroi dekretin për pakon e ligjeve lidhur me marrëveshjen me “Bechtel dhe Enka” për ndërtimin e korridoreve 8 dhe 10d.
“Debati publik u keqpërdor në një shkallë të lartë polarizimi dhe e largoi fokusin nga çështjet reale. Në vend që të fokusohet diskutimi në përfitimet dhe rreziqet e mundshme lidhur me projektin, debati publik është kthyer në një debat për aspiratat tona euroatlantike.
Lidhur me Ligjin për Marrëdhëniet e Punës, ju njoftoj se teksti i miratuar nuk përmban dispozitën e kontestuar të Gjykatës Kushtetuese, e cila parashikonte se orari i punës për çdo punonjës mund të jetë mesatarisht 60 orë në javë gjatë vitit. Në këtë drejtim, teksti i ri i ligjit nuk përmban formulimin e një jave pune 60 orëshe. Ditët e fundit kam bërë një sërë konsultimesh për kushtetutshmërinë e ligjit. Pas përmbledhjes së mendimeve të ndryshme, mora vendim që ta nënshkruaj dekretin për shpalljen e këtij ligji dhe të katër ligjeve të tjera”, tha Pendarovski në një konferencë për media.
Deputetët e Kuvendit me shumicës votash votuan më herët Ligjin për ndërtimin e korridoreve.
Ndërtimi i korridoreve është parashikuar që të ndërtohet për 4 vjet e 7 muaj.
