Prokuroria Themelore Publike sot njoftoi për aksidentin e djeshëm tragjik në autostradën Shtip-Miladinovcë ku jetën e humbën tre persona.
Vozitësi i automjetit Shevrolet në gjakun e të cilit është detektuar prania e alkoolit, ka humbur kontroll duke e ka tejkaluar automjetin Tojota kur ndodhi aksidenti tragjik, thuhet në raportin fillestar të prokurorisë publike pasi prokurori kujdestar publik nga Prokuroria publike në Shtip dhe ekipet e MPB-së kanë bërë kontroll në vendngjarjen në autostradën Shtip-Milladinovcë ku të premten jetën e humbën tre persona.
Sipas informacioneve fillestare që i njoftoi Prokuroria, aksidenti ka ndodhur kur automjeti Shevrolet me targa të Shkupit ku ishin pesë pasagjerë të një familjeje që ishin duke u kthyer në Shkup nga ahengu në Koçan, ka filluar ta tejkalonte automjetin Tojota me targa të Koçanit në të cilin ishin dy persona.
