Sot (27- korrik) rreth orës 19:00 në bulevardin “Iliria” në Tetovë, në afërsi Shtëpisë së Kulturës, automjeti i pasagjerëve BMW me targa të Tetovës e drejtuar nga personi L.Sh. (18) nga Llërca e Tetovës, ka humbur kontrollin mbi automjetin dhe është përmbysur.
Sipas informacioneve të para në aksident është lënduar rëndë pasagjeri V.I.(26) nga i njëjti fshat (thyerje në gishtat e dorës).
Ndërsa shoferi L.Sh. ka kaluar vetëm me lëndime trupore të konstatuara në Spitalin klinik të Tetovës.
Në vendin e ngjarjes është kryer inspektim nga ekipi i SPB-Tetovë.
