Bashkimi Evropian është superfuqi kulturore dhe kultura maqedonase merr pjesë dhe është pjesë e këtij procesi me kontributin e vet, theksoi zëvendëskryeministri për Çështje Evropiane Bojan Mariçiq në takimin e sotëm me banorët e Manastirit në kuadër të fushatës “Ne jemi Evropa”.
Ai theksoi se “Ne jemi Evropa”, krenarë për trashëgiminë tonë, të hapur ndaj botës, me një dëshirë të fortë për integrim të plotë në Bashkimin Evropian me anëtarësim të plotë. Kjo për ne, për banorët maqedonas, thekson ai, dhe për të gjithë qytetarët e atdheut tonë, sot është mënyra e vetme për të qenë pjesë e botës së globalizuar.
“Populli ynë kohë më parë zgjodhi bashkimin e duhur – ai është Unioni i lirisë, demokracisë, sundimit të ligjit, të drejtave të njeriut, barazisë dhe dinjitetit. Ky është Bashkimi Evropian. Me siguri asnjë vend tjetër në botë nuk ka “dendësi” të tillë kulturore si Evropa. Kaq shumë histori, tregime dhe kultura. Edhe historia maqedonase si pjesë e asaj evropiane, kuptohet. Dhe sërish, falë vlerave bazë evropiane për barazi dhe respekt të tjetrit, Bashkimi Evropian i ruan traditat mijëvjeçare të të gjithë popujve dhe bashkësive të kontinentit. Nga ky aspekt, nga aspekti i dhënies së njohjes, hapësirë dhe mbështetje për çdo vlerë kulturore që përshkoi tokën evropiane, Bashkimi Evropian është superfuqi kulturore, ndërsa kultura maqedonase merr pjesë dhe është pjesë e atij procesi me kontributin e saj”, tha Mariçiq.
Takimi me banorët e Manastirit është në vijim, ndërsa fjalime do të kenë edhe ministrja e Kulturës Bisera Kostadinovska Stojçevska dhe zëvendës ambasadorja e Republikës së Çekisë, Andrea Shtajner Votavova.
