NP deponia Drislla mohon akuzat e publikuara në rrjetet sociale dhe një pjesë të portaleve për trajtimin e mbetjeve mjekësore me foto skandaloze që siç thonë, nuk janë nga Deponia e Drislës.
“NP Drislla nuk prodhon mbeturina, ndërsa mbetjet mjekësore nga qendra klinike dërgohen me automjete speciale në procedurë të veçantë. Mbetjet mjekësore nuk ruhen ose lihen në ambient të hapur, por në të njëjtën ditë futen në autoklave ku trajtohen. Vetëm punonjësit e trajnuar të kompanisë kanë akses në të dhe duke qenë se nuk lihet hapur, qentë apo kafshët e tjera nuk kanë të njëjtën qasje”.
“Fotot e publikuara nuk janë nga NP Drislla dhe nuk mund të lejojmë falsifikimin e këtij lloj skandali, i cili kërcënon institucionet shëndetësore dhe vetë kompaninë, 200 punonjës të së cilës punojnë çdo ditë për trajtimin e duhur të mbetjeve dhe në të vetmen deponi sanitar me A- leje mjedisore që ka qëllimin e vetëm të mbrojtjes së qytetarëve”.
“Deponia NP Drislla apelon që e drejta dhe liria e fjalës, e drejta për tubime publike dhe protesta të mos keqpërdoren si instrument i interesave politike dhe personale dhe për përhapjen e qëllimshme të gënjeshtrave dhe dezinformatave. Përdorimi i mjedisit dhe shëndetit të njerëzve si mjet për të arritur qëllimet e tyre politike të opsioneve politike që e shohin këtë si të vetmen mënyrë për të ngritur një masë më të gjerë njerëzish dhe për të minuar dhe degraduar funksionimin ligjor të kompanisë me gënjeshtra është e papranueshme”, thonë nga NP Drislla.
Gjithashtu thonë se ndaj personave që sipas tyre përhapin gënjeshtra dhe që publikojnë dezinformata me foto të falsifikuara, do të dorëzojnë kallëzim penal përkatës.
