Kryetari i Lëvizjes Besa, Bilall Kasami sot ka deklaruar se ndryshimet e fundit në Kodin Penal janë amnisti e drejtpërdrejtë për Nikolla Gruevskin.
Kasami për “Alsat” tha se këtë e ka konfirmuar edhe vetë kryetari i BDI-së, Ali Ahmeti por ditë më parë e tha edhe presidenti Stevo Pendarovski se është konsultuar nga partitë politike nëse Gruevski mund të amnistohet.
“Këtu vlen thënia popullore mos e pyet se tregon vet. Ali Ahmeti e tregoi brenda 1 minuti të gjithë skenarin e amnistinsë.
Ai tregoi se ka pasur marrëveshje të fshehtë mes BDI-së, LSDM-së dhe OBRM-PDUKM-së Nikolla Gruevskit dhe në momentin kur Gruevski iku në Hungari, OBRM-PDUKM-ja nuk u pajtua sepse mbrapa atij ligji qëndronte amnistia për Nikolla Gruevskin”, tha Kasami.
