Nënkryetari i OBRM-PDUKM-së, Aleksandar Nikoloski, në një deklaratë për media me rastin e takimit të Asamblesë së Përgjithshme të rinisë së Partisë Popullore Evropiane “Bashkimi i së ardhmes, gjeneratës së re dhe Ballkanit Perëndimor” , është pyetur se si e komenton faktin që biznesmeni Miodrag Daka Davidoviq është në listën e zezë të SHBA-së.
Nikollovski theksoi se biznesmeni malazez ishte i lidhur me aktivitete biznesi në Maqedoni dhe lidhje me Qeverinë.
“T’i kujtoj opinionit e vendit se kjo qeveri e LSDM-së dhe BDI-së është formuar më 30 gusht 2020, ndërsa më 31 gusht, të nesërmen, Këshilli i Komunës së Tetovës në atë kohë me kryetare të BDI-së, Teuta Arifi, miratoi një plan urbanistik i diskutueshëm për të cilin vlerësohej se duhej të kapte vlerën e diku rreth 200 milionë euro, në tokë që më parë i takonte kombinatit “Shik Jelak”, të cilin ndërkohë në rrethana të diskutueshme dhe të dyshimta e kishte blerë biznesmeni Miodrag Daka Davidoviq.
Në atë kohë kam paraqitur dëshmi se janë para nga kapitali i diskutueshëm që mund të kenë ardhur nga luftërat në ish-Jugosllavi, të cilat kanë arritur në Maqedoni përmes kompanive ofshore nga Panamaja, të gjitha këto ia kam paraqitur publikut”, tha nënkryetari Nikolloski.
Në lidhje me këtë rast, Nikolloski theksoi se prokuroria deri më sot nuk e ka hetuar tërë këtë rast.
