Analisti Petar Arsovski thotë se kapitali politik i përbërjes aktuale është shpenzuar, të gjithë sytë janë te zgjedhjet. Presioni i bashkësisë ndërkombëtare do të vazhdojë, por me më pak intensitet.
“Nuk jam optimist se amendamentet kushtetuese mund të përfundojnë në këtë përbërje parlamentare, kapitali politik i përbërjes aktuale është shpenzuar, të gjithë sytë janë te zgjedhjet dhe ndryshimet kushtetuese zënë gjithnjë e më pak vend në diskursin publik.
Edhe pse teorikisht është e mundur, praktikisht dhe politikisht është e pamundur që të ketë ndryshime kushtetuese përpara zgjedhjeve. Qeverinë e ardhshme do ta mirëpresin si pikë të parë, por edhe atëherë nuk jam optimist.
Jemi duke hyrë në një cikël në të cilin do të ulet edhe dëshira e Maqedonisë dhe çmimi politik për vazhdimin e negociatave, por edhe oreksi i BE-së për zgjerim. Dhe se elementi i përgjithshëm për kryerjen e ndryshimeve kushtetuese do të jetë më pak i favorshëm. Mundësia e parë për t’u kthyer në temë është shtatori i vitit 2024 dhe as atëherë nuk jam i sigurt se do të kemi të njëjtin presion dhe vrull si tani”, tha Petar Asrovski në “Samo Vistina”.
