Ministria e Punëve të Brendshme (MPB) në një kumtesë për media informon publikun se janë vendosur protokollet e sigurisë dhe inspektimit të shkollave dhe menjëherë ndërmerren masat përkatëse nëse raportohet se dyshohet se janë vendosur mjete shpërthyese.
Nga MPB Maqedoni u bëjnë thirrje prindërve që të mos alarmohen, pasi siç thonë, shkollat janë të sigurta.
“Kujtojmë se udhëheqësia e shkollave kanë obligim të ndjekin dhe zbatojnë masat e Qeverisë, pra udhëzimet e Ministrisë së Arsimit në tërësi, dhe në këtë mënyrë të forcojnë sigurinë e shkollave dhe të garantojnë mësim të pandërprerë të nxënësve”.
“Menjëherë pas pranimit të denoncimeve janë bërë të gjitha kontrollet e nevojshme në lidhje me raportimet e sotme nga shkollat e Koçanit, pas mesazheve të marra në adresat elektronike në Koçan dhe është konstatuar se bëhet fjalë për denoncime të rreme”, thonë nga MPB Maqedoni.
