Në një njoftim të rëndësishëm nga Forumi “Më shumë për të gjithë” në Kërçovë, Nënkryetarja e LSDM-së, Sanja Llukarevska, prezantoi masën e re të 9-të kundër krizës, duke ofruar mbështetje financiare për paga më të larta për punëtorët në ndërmarrjet private.
Llukarevska theksoi se kjo masë shënon një angazhim të vazhdueshëm për të përmirësuar kushtet ekonomike të punëtorëve dhe ofron liri nga kontributet për punëdhënësit. Pjesa e rritjes së pagave do të paguhet vetëm në formë tatimi personal, sqaroi ajo.
Masa nënkupton lirim nga kontributet për punëdhënësit, për pjesën e rritjes së pagave, dhe ata do të duhet të paguajnë vetëm tatim personal, sqaroi Llukarevska.
“LSDM kujdeset për punëtorët dhe vlerëson punën e tyre. Me masën krijojmë mundësi për rritjen e pagave të punëtorëve në sektorin privat nga 3.000 në 9.000 denarë. Periudha është mjaft e gjerë dhe i referohet 12 muajve të ardhshëm, shtoi Lukarevska.
Mbi 2 miliardë euro ua kthyem qytetarëve vetëm përmes masave të mbështetjes financiare. Më shumë për të gjithë është pjesë e vlerave tona socialdemokratike. Demokracia sociale, në thelbin e saj, përpiqet të krijojë një shoqëri ku çdo individ ka akses të barabartë në të drejta, mundësi, mbrojtje sociale dhe siguri ekonomike. Këto vlera janë të përafërta me parimet mbi të cilat bazohet Bashkimi Evropian”, theksoi Llukarevska.
“Fitorja e LSDM-së në zgjedhjet presidenciale dhe e një qeverie të udhëhequr nga LSDM-ja është fitore e dyfishtë për Maqedoninë evropiane, fitore kyçe për të vazhduar progresin, për të vazhduar rritjen e pagave, pensioneve dhe më e rëndësishmja, për të siguruar për gjeneratat e ardhshme”, tha Nënkryetarja e LSDM-së, Sanja Llukarevskanë stendin “Më shumë për të gjithë” në Kërçovë.
