Lidhja Demokratike kërkon që Qeveria e Maqedonisë së Veriut në seancën e nesërme të hap debat për rëndësinë e dokumenteve personale, të marrë vendime përkatëse, t’i obligojë ministritë që t’i zbatojnë ato dhe t’i informojë qytetarë.
“Së pari, letërnjoftimet, si dokumente për përdorim të brendshëm, mund të përdoren deri në datën e vlefshmërisë së tyre. Kjo do të thotë se ato mund të përdoren kudo, përpara të gjitha institucioneve, bankave, për votim etj.
Së dyti, patentë shoferët mund të përdoren lirisht brenda Maqedonisë, ndërsa jashtë vendit vlefshmëria e tyre lidhet me vlefshmërinë e dokumenteve të udhëtimit, gjegjësisht mund të përdoren deri më 12 shkurt 2024, nëse ky afat nuk zgjatet.
Së treti, sipas Marrëveshjes së Prespës dhe ndryshimeve kushtetuese, dokumentet personale që janë të dobishme jashtë vendit (dokumentet e udhëtimit dhe patentat e shoferit) janë të vlefshme deri më 12 shkurt 2024, prandaj MPJ duhet t’i kërkojë Greqisë të pranojë zgjatjen e këtij afati deri në data e vlefshmërisë së këtyre dokumenteve ose më së voni deri më 31.12.2024, për arsye teknike dhe mungesë të potencialit kadrore për t’i zëvendësuar ato me emrin e ndryshuar të shtetit brenda afatit të përcaktuar me Marrëveshjen e Prespës dhe ndryshimet kushtetuese”, thonë nga LD.
Me dokumente udhëtimi, njoftojnë nga LD, qytetarët e Maqedonisë që janë jashtë vendit mund të udhëtojnë lirisht dhe të kthehen në Maqedoni.
“Në këtë drejtim, Qeveria duhet të pajtohet me Gjykatën Kushtetuese për shtyrjen e aplikimit të afateve ligjore për vlefshmërinë e patentë shoferëve dhe dokumenteve të udhëtimit, në përputhje me iniciativën e OBRM-PDUKM-së”, thonë nga LD.
Për këto turma dhe keqtrajtime të qytetarëve para sporteleve të MPB-së, shtojnë nga atje, duhet gjetur një zgjidhje, por përgjegjësi duhet të mbajnë edhe Qeveria dhe ministrat përkatës.
