Ministri i Punëve të Brendshme, Pançe Toshkovski, sot ka vizituar pikën për fotografimin e dokumenteve personale në stacionin policor Prolet në Shkup.
Toshkovski falënderoi 40 punëtorë nga drejtoritë për punë administrative Kumanovë, Veles, Shtip dhe Tetovë, të cilët dje dhe sot, si dhe në fundjavat në vijim do të ofrojnë mbështetje në procesin e miratimit të kërkesave për lëshimin e dokumenteve personale.
Ai falënderoi edhe kolegët e tjerë nga Shkupi ynë që po punojnë në atë plan.
“Gjatë ditës së djeshme me forca të përbashkëta janë miratuar rreth 9.000 kërkesa për lëshimin e letërnjoftimeve për banorët e Shkupit dhe llogaritet se nga sot do të miratohen rreth 20.000”, tha Toshkovski.
