Deputetët votuan për ndryshimin dhe plotësimin e Ligjit për realizimin e projekteve infrastrukturore për ndërtimin e rrugës Milladinoci – Shtip dhe rrugës Kërçovë-Ohër, me procedurë të shkurtuar. Sipas rregullores së re, afati i ri për përfundimin e segmentit Kërçovë-Ohër është 31 dhjetori i vitit 2026. Aneksi i marrëveshjes për autostradën Kërçovë-Ohër, e cila filloi të ndërtohet në shkurt të vitit 2014, do të jetë e gjashta me radhë.
Ndërtimi i autostradës me një gjatësi totale prej 57 kilometrash ishte parashikuar fillimisht në 374 milionë euro dhe pas disa anekseve të kontratës dhe zgjatjeve të afateve, çmimi i saj arriti në 598 milionë euro. Ministri i Transportit dhe Lidhjeve Bllagoj Boçvarski, sot para deputetëve në Kuvend tha se ligji nuk sjell implikime financiare shtesë.
“Ligji nuk paraqet implikime financiare shtesë. Sipas gjetjeve të kompanisë mbikëqyrëse FIDIC, e zgjedhur nga NP Rrugët Shtetërore kanë konstatuar se është realizuar 83% e projektit dhe është kërkuar vazhdimi nga Qeveria deri tek Kuvendi për vazhdimin e afatit të këtij projekti.
Arsyet për zgjatjen e projektit janë të njohura, e mbi të gjitha janë për shkak të paraqitjes së 13 rrëshqitjeve të reja, që kërkon planifikim shtesë dhe zgjidhje të reja teknike”, deklaroi Bllagoj Boçvarski, Ministër i Transportit dhe Lidhjeve.
