Një burrë 63-vjeçar ka humbur jetën në një zjarr të ndezur duke djegur kashtë pranë Prilepit në Maqedoninë e Veriut, raportojnë mediat lokale.
Dje pasdite, trupi i pajetë i 63-vjeçarit S. D. është gjetur i djegur në pronën e tij, në afërsi të fshatit Povodenici, pranë një liqeni artificial afër Prilepit.
Sipas fjalëve të prokurorit publik të Prilepit, Stevçet Binoski, i cili ka kryer hetimin, i ndjeri i ka vënë zjarrin barit të thatë dhe kashtës, ndërsa zjarri e ka përfshirë edhe atë.
“Zjarri ka dalë jashtë kontrollit, ka përfshirë edhe fusha të tjera, por edhe 63-vjeçarin nga Prilepi me iniciale S.D. Banori i Prilepit ka ndërruar jetë në vend. Ekipi i emergjencës ka konstatuar vetëm vdekjen. Zjarri është përhapur edhe në fusha tjera, por është shuar nga zjarrfikësja nga Prilepi”, tha ai.
